ILOILO CITY – Naghingyo ang League of Municipalaities of the Philippines (LMP) Iloilo Chapter sang mas mataas nga share gikan sa Small Town Lottery (STL).
Ini bangud tuman ka gamay suno sa LMP ang 2 percent nga share nga ginabaton sang mga LGU.
Sa interview sang Bombo Radyo kay LMP president kag Ajuy Mayor Jett Rojas, ginpahayag sini nga nahisugtan sang mga alkalde sa ila pagtililipon sang Biyernes ang paghingyo sa pamunuan sang Philippine Charity Sweepstakes Office (PCSO) nga himuon nga 5 percent ang share sang LGU.
Ini agud mas dako man ang pondo nga ila mahatag sa mga basic social services nga ginatanyag sang banwa.
Natalana naman nga ipadala subong nga semana sang LMP ang resolution sa PCSO Central Office.