Nagpasaka sang panumbungon nga libel ang pila ka vloggers batok kay Surigao del Norte Rep. Robert Ace Barbers nga amo anay ang nangin chairperson sang quad committee sa Kamara.
Gin-file ang complaint sa Quezon City prosecutor’s office matapos gin-request ni Barbers sa National Bureau of Investigation (NBI) nga imbestigaran ang vloggers bangud sa ginapahayag nga koneksyon sa illegal drugs kag sa Philippine offshore gaming operators (POGOs).
Suno kay former Press Secretary Trixie Cruz-Angeles nga isa sa complainants, indi sila makatulog kag nahadlok sila kag ang ila pamilya kasunod sang akusasyon ni Barbers.
Pahayag pa sini, gina-monetize ang pila sa ila nga social media platforms, apang nabutang sa alang-alang kag potensyal nga makakas bangud sa alegasyon nga fake news.
Ang iban pa nga nag-reklamo batok sa mamalidha amo ang former spokesperson sang National Task Force to End Local Communist Armed Conflict (NTF-Elcac) nga si Lorraine Badoy, Krizette Chu, Cathy Binag, Joie De Vivre, MJ Quiambao Reyes kag Mark Anthony Lopez.
Matandaan nga Nobyembre 25, 2024 sang nagsulat si Barbers kay NBI chief Jaime Santiago bangud sa iya alegasyon nga may vloggers nga ginapondohan sang illegal drug traders kag POGO agud nga magpalapta sang binutig.
Ginsiling sini anay nga bukas ang quad comm sa mga kritisismo apang indi sini matolerar ang vloggers nga nagabali sang kamatuoran kag gina-post ini sa social media agud nga i-discredit ang mga myembro sang kongresista nga yara sa amo nga mega-panel.
