ILOILO CITY – Gin-anunsyo sang Land Transportation Franchising and Regulatory Board (LTFRB) nga magabalik na ang service contracting program lakip na ang Libre Sakay umpisa sa bwas, Abril 11.
Suno kay LTFRB executive director Maria Kristina Cassion, amat-amat lang ang pagbalik sang Libre Sakay bangud naga-kumpleto pa ang iban nga operators sang ila nga requirements.
Sa idalom sang service contracting program, ang public utility vehicle (PUV) operators kag drivers ang makabaton sang one-time payout kag semanal nga bayad base sa numero sang kilometros nga mabyahe sa kada semana — may pasahero man ukon wala.
Ini nga programa ang may yara sang budget nga P7 billion sa idalom sang 2022 General Appropriations Act suno sa LTFRB executive.
Ini nga programa — kaangay sa fuel subsidy program — naka-secure sang exemption halin sa Comelec gikan sa election public spending ban.
