ILOILO – Malapit nalang nga maubos ang mga license plates para sa mga motorsiklo sa Hunyo, samtang, sa Hulyo naman ginalauman nga maubos ang plaka para sa mga four-wheeled vehicles.
Suno kay Land Transportation Office Chief Jay Art Tugade, ginpaalinton na ang Department of Transportation sa nasambit nga problema bangud ang ahensya ang gintugyanan sang procurement sang license plate nga nagdangat sa P4.5 billion.
Ginpahayag dugang sang natungdan nga nagahimo na ini sang contingency agud mapahanugutan ang mga motorsiklo kag vehicle owners nga maka-issue sang tagsa ka mga license plates.
Samtang, naghingyo naman si Tugade sa Department of Transportation nga mahimo nga mafast-track ang procurement sang mga license plates agud malikawan ang ano man nga sahi sang problema.
Matandaan nga Oktubre pa sang nagligad nga tuig nga gintuyo sang Land Transportation office nga hawanan tubtob sa 90% sa license plate backlogs.
