Nagpaandam ang isa ka licensed fisheries technologist sa posible nga mangin epekto sang El Niño sa marine fisheries resources sa Pilipinas.
Sa interview sang Bombo Radyo kay Flord Nicson Calawag, iya ginpahayag nga dako ang epekto sini ilabi na sa mga manugpangisda bangud may iban nga mga isda nga magasaylo sa mas madalom nga bahin sang kadagatan.
Bangod sini, maapektuhan ang pangabuhian sang mga small-scale kag large-scale nga manugpangisda ilabi na sa ila nga kinahanglan nga gastuson sa transportasyon kag fuel.
Tungod sini, ginapaabot man ang pagnubo sang ila kita.
Dugang pa, ginpahayag ni Calawag nga ang pag-init sang tubig-dagat nagaresulta sa pagnubo sang plankton, nga amo ang importante nga pagkaon sa food chain sang mga isda.
Bangod sini, naganubo man ang fish catch kag nagataas ang posibilidad sang fish mortality.
May epekto man ini sa coral reefs nga mahimo maguba bangod sa mainit nga tyempo, kag naganubo man ang dissolved oxygen sa tubig, nga nagaapekto sa mga marine organisms.
Sa pihak sini, ginpahanumdom niya nga dapat mangin handa ang tanan, ilabi na ang gobyerno, bangod ginapaabot nga magalawig ang epekto sang El Niño tubtob 2027 sa Pilipinas.
Nagapanawagan man ini sa mga programa kag bulig para sa sektor sang manugpangisda agud malikawan ang mas dako nga halit sa kabuhiepekto sa pangabuhian sang mga manugpangisda kag sa marine ecosystem sang pungsod.
