Nagapati ang isa ka licensed pilot nga kinahanglan na nga i-upgrade ang system nga nagtuga sang technical issue sa Ninoy Aquino International Airport (NAIA) sang New Year’s Day.
Sa interview sang Bombo Radyo kay Denmark Suede, iya ginpahayag nga outdated na ang 3 year old P10.8 billion Air traffic management system sang Civil Aviation Authority of the Philippines (CAAP) nga nagpalya sang Enero 1.
Suno kay Suede, ang Communications, Navigation and Surveillance/ Air Traffic Management System ang nangin fully operational sang Hulyo 26, 2019 nga ginpondohan sang Japan International Cooperation Agency (JICA).
Ang nasambit nga proyekto ang nakumpleto sang Oktubre 2017 kag gin-inaugurate sang Enero 16, 2018.
Pabor man si Suede sa rekomendasyon sang Civil Aviation Authority of the Philippines nga i-improve ang Air Traffic Management System sang pungsod.
Kun privitization naman ang pagahambalan, ginpahayag ni Suede nga ang operasyon lang sang terminal ang mahimo dumalaan sang pribado nga kumpaniya kag indi ang Air Navigation Services.
Matandaan nga una na nga ginpahayag sang Department of Transportation (DOTr) nga kinahanglan sang ₱13 billion agud ma-upgrade ang system sang paluparan.
