ILOILO – Nagpalab-ot sang pagpanginbulahan si Philippine Councilors League President Licurgo Tirador sa bag-o nga presidente sang PCL-Iloilo Chapter nga si Sta Barbara Iloilo Sangguniang Bayan member Ramon Sullano.
Sa interview sang Bombo Radyo kay Tirador, iya ginpahayag nga kuntani mag-isa na ang tanan nga kabahin sang PCL lakip na ang Board of Directors amo man ang mga opisyales bangud ang iban sa ila ang wala nagahangbanay.
Suno kay Tirador, kuntani maghugpong ang tanan nga kabahin sang PCL-Iloilo Chapter agud nga may yara sang isa ka tingog ang grupo.
Dugang pa sang natungdan, wala na siya nagplano pa nga magpadalagan sa liwat bilang presidente sang PCL bangud 88 anyos na siya sa diin magaretiro na ini sa serbisyo.
