IRAN – Magatimalos ang pungsod Iran matapos ang pagpatay sa ila chief nuclear scientist.
Ini ang ginpromisa ni Supreme leader Ayatollah Seyyed Ali Khamenei.
Ginbawian sang kabuhi si Mohsen Fakhrizadeh matapos gin-ambush sang armado nga mga lalaki sa bahin sang Tehran.
Suno kay Khamenei, ila padayunon ang nabilin nga trabaho sang nuclear scientist.
Samtang sa isa ka Cabinet meeting, ginpahayag ni Iranian President Hassan Rouhani nga ang Israel amo ang yara sa likod sang pagpatay kay Mohsen kag kaangay sang promisa sang supreme leader, magatimalos man ini batuk sa mga suspek.
Sa subong, wala pa sang may ginpaguwa nga pahayag ang Israel sa pagpasibangod sa ila sang Iran.
