ILOILO – Dakop sa ginpatigayon nga buy bust operation ang street level individual nga durugista sa Barangay Rizal, Oton, Iloilo.
Ang subject amo si Alyas Pirot, legal ang edad, kag residente sang Banwa sang San Miguel.
Sa interview sang Bombo Radyo kay Police Lieutenant Colonel Abner Jordan, Hepe sang Oton Municipal Police Station, iya ginpahayag nga masobra isa ka bulan ang monitoring sa subject antes ini nadakpan.
Suno kay Jordan, nagakuha ini sang supply sang iligal nga droga sa mga kaiping nila nga barangay kag sa syudad man sang Iloilo.
Nakuha sa posisyon sini ang 7 grams sang suspected shabu nga may standard drug price nga P47,600.
Sa subong, preso na ini kag nagapangatubang sang kaso nga paglapas sa Republic Act No. 9165 ukon Comprehensive Dangerous Drugs Act of 2002.
Nahibaluan nga may kaso na ini nga illegal gambling sa banwa sang San Miguel kag natukiban nga pinuno man sang mga kawatan sa Oton.
-with a report from Bombo Phauline Pillora
