ILOILO CITY– Ginahulat na lang sang Liga ng mga Barangay ang desisyon sang Public Safety and Transportation Management Office kun ano nga mga istruktura ang nagakadapat nga ipaidalom sa clearing operation kag kun ano ang indi.
Sa interview sang Bombo Radyo kay Liga ng mga Barangay President kag ex- officio member Irene Ong, iya ginpahayag nga nagasalig lang sila sa Anti Squatting and Illegal Structures Unit sa pagtumod sa mga obstruction.
Suno kay Ong, kaangay sa iya nga punong barangay sang President Roxas, Iloilo City, wala siya sang ikasarang nga kuhaon ang mga illegal parking sa likod sang Iloilo Provincial Capitol bangud para sa iya sakop na ini sang probinsya.
Ginpahayag ni Ong nga indi madali ang pagpatigayon sang Oplan Hawan.
