ILOILO – Pabor si Liga ng mga Barangay President Dorothy Paes sang probinsya sang Iloilo sa pag-extend sang Barangay kag Sangguniang KabataanElections sa pungsod.
Ini ang nangin kabahin sang speech ni Presidente Rodrigo Duterte sa iya ika-apat nga State of the Nation Address.
Sa interview sang Bombo Radyo kay Board Member Paes, iya ginpahayag nga ang pag-extend sa barangay kag SK elections ang isa ka pamaagi agud nga mapatuman ang mga aktibidad kag mahimo pa ang iban nga tinutuyo sang mga opisyales sa mga pumuluyo.
Suno kay Paes, ginalauman niya nga mangin layi ang ini nga lihok sang Presidente.
Dugang pa sang natungdan, ginkalipay man sang mga ospiyales sang barangay sa probinsya ang pahayag ni Duterte bangud nahatagan niya ini sang igtalupangod.
