ILOILO CITY – Pabor si Ex-Officio Board Member Dorothy Paes, ang Liga ng mga Barangay-Provincial Federation President, sa luyag sang Department of the Interior and Local Government nga ipaidalom sa drug testing ang tanan nga mga kandidato para sa Barangay kag Sangguniang Kabataan elections.
Sa interview sang Bombo Radyo kay Board Member Paes, iya ginpahayag nga dapat mangin modelo ang mga public servant sa ila mga pumuluyo nga nasakupan.
Pahayag niya, wala man sang dapat kahadlukan ang mga kandidato nga magpaidalom sa drug test kun wala man sila sang involvement sa iligal nga droga.
Ginakabig man ni Board Member Paes nga ang pagpaidalom sa drug test sang mga kandidato ang makapabaskog sang pagsalig sang mga pumuluyo bangud nagapakita ini nga mangin matinlo ang ila panghimanwa.
Kun ipatuman gid man ini dugang niya, dalat nga mapatuman lang sang insakto kag masunod ang proseso.
