ILOILO CITY – Suportado sang Liga ng mga Barangay ang pagpatuman sang Oplan Hawan ukon clearing operations sa mga dalanon sa syudad sang Iloilo.
Sa interview sang Bombo Radyo kay Liga ng mga Barangay President Irene Ong, iya ginpahayag nga iya na nga napadal-an sang kopya sang executive order ni iloilo City Mayor Jerry Treñas ang tanan nga mga punong barangay agud nga ipahibalo ang tuhoy sa Oplan Hawan.
Suno kay Ong, sila nga mga punong barangay ang may yara sang katungdanan nga hawanan gikan sa illegal structures ang barangay roads.
Ginpahayag ni Ong nga kinahanglan nga magbulig ang mga punong barangay bangud nga kun indi matuman ang clearing operations sa sulod sang 60-day implementation, ang alkalde ang manabat kay Presidente Rodrigo Duterte.
