Preparado na ang Liga ng mga Barangay sang Distrito sang Jaro sa selebrasyon sang kapyestahan ni Nuestra Señora de la Candelaria de Jaro.
Sa interview sang Bombo Radyo kay Punong Barangay Rodel Mamon, Association of Barangay Captain President – Jaro District, iya ginpahayag nga nangin masako ang tagsa ka mga barangay officials sa paghiwat sang Miss Jaro nga isa sa highlights sang kapyestahan subong nga tuig.
Suno kay Mamon, kadungan sa kahiwatan, magalibot ang Tribu Salognon sa kabug-usan sang Jaro Plaza.
Ginpabugal man sang natungdan ang ila food festival nga magalawig tubtob sa Pebrero 8, 2025.
Gin-imbitar man sang punong barangay ang mga pumuluyo kag mga Ilonggo nga magbuylog sa paghiwat sang kapyestahan ni Nuestra Señora de la Candelaria de Jaro.
