Suportado sang Liga ng mga Barangay ang mandu ni Presidente Rodrigo Duterte nga dakpon ang mga punong barangay sa tion nga may matukiban nga mass gatherings nga ginahiwat sa lugar.
Suno kay Eden Chua Pineda, national president sang Liga ng mga Barangay, apisar nga suportado nila ang lihok sang presidente, kuntani hatagan man sang tyansa ang mga punong barangay nga depensahan ang ila nga kaugalingon.
Pahayag niya, kun mapamatud-an nga mismo ang punong barangay ang nagpahanugot sang mass gatherings sa iya barangay, nagakadapat lang ini nga dakpon bangud indi matapos ang problema sang pungsod kun wala man sang kooperasyon ang mga pumuluyo.
Ginaduso ni Pineda nga kun may yara sang aktibidad nga patigayunon ang residente, nagakadapat nga magkuha sang barangay permits agud nga mamonitor sang barangay officials.
