ILOILO CITY – Suportado sang Liga ng mga Barangay sa syudad sang Iloilo ang pagpasar sang ordinansa nga magadumili sa unnecessary noise sa tion sang class hours.
Sa interview sang Bombo Radyo kay Punong Barangay Roberto Niño, Liga ng mga Barangay Spokesperson, iya ginpahayag nga magabulig ang Liga ng mga Barangay bisan sa pagpasar na lang sang resolusyon sa pag-amyendar sang existing ordinance may kaangtanan sa pag-regulate sang gahod sa palibot.
Suno kay Niño, nahangpan gid sang Liga ng mga Barangay kun ano ka importante ang pagpasar sang ordinansa nga magadumili sa pagtuga sang unnecessary noise ilabi na sa tion sang class hours.
Ginpahayag ni Niño nga sa tagsa ka lugar, may yara man sang nagkalain-lain nga approach nga nga dapat ipatuman sa tagsa ka mga barangay depende sa distansya sang mga balay.
