Mas pasanyugon pa sang Liga ng mga Barangay sang syudad sang Iloilo ang pag-engganyo sa kada barangay sa pagpaidalom sa COVID-19 vaccination kasunod sang padayon nga pagsaka sang kaso sang virus.
Sa interview sang Bombo Radyo kay Punong Brgy. Roberto Niรฑo sang Calumpang, Molo, Iloilo City kag nagaserbe nga spokesperson sang Liga ng mga Barangay sa syudad, iya ginpahayag nga may natumod na sila nga mga numero sang barangay nga natunga sa tatlo ka level sa diin na-compute ang ila kaso sang COVID-19 kag vaccination rate.
Suno kay Niรฑo, ginabug-usan ang Level 1 sang 10 ka barangay, 19 ka barangay sa Level 2, kag 34 ka barangay sa Level 3.
Padayunon man nila ang pagpatigayon sang house to house system sa pag-edukar kag pag-engganyo sa mga pumuluyo nga magpabakuna.
Ila man nga tutukan ang mga lugar nga may manubo nga vaccination rate.
