DUMANGAS, ILOILO – Ginkakibot ni Liga ng mga Barangay Pres. Dorothy Paes ang ginpatigayon nga joint operation sa ila lugar sa Brgy. Balabag, Dumangas, Iloilo.
Sa interview sang Bombo Radyo kay Paes, iya ginpahayag nga may nagpahibalo lang sa iya nga may yara sang raid nga natabo.
Suno kay Paes, sa iya nga pagkahibalo, may yara sang permit ang Stephanie Coliseum kag may yara man sang special permit gikan sa Local Government Unit ang pagpatigayon sang pauwak ukon pintakasi sa bug-os nga bulan sang Pebrero.
Ginpahayag ni Paes nga iya man nga ginkakibot nga ang nakasaad sa katuyu-an sang pagkuha sang special permit para sa pauwak amo nga makatipon sang share para sa barangay ilabi na para sa mga barangay tanod.
Depensa sang Liga ng mga Barangay President, ulihi na lang ginpahibalo sa barangay council nga ginhimo nga rason ang mga barangay tanod sa pagkuha sang special permit.
Sa pagkamatuod suno sa natungdan, sa kadugayon nga pagpatigayon sang pauwak, sang Disyembre kag enero lang nakabaton sang share ang barangay council matapos siya nagreklamo tuhoy sa special permit.
Sa pihak sini, may ginpatigayon nga public hearing kag bangud nga wala sang may nagpamatok, ila nga gin-aprobahan ang barangay permit antes ginduso sa Municipal level.
