ILOILO CITY – Padayon ang preparasyon sang Commission on Elections (Comelec) sa siyudad sang Iloilo para sa barangay election nga gintalana sa Oktubre subong nga tuig.
Ini sa pihak sang ginpahayag ni Presidente Rodrigo Duterte nga luyag sini i-postpone liwat ang eleksyon para sa barangay officials.
Sa interview sang Bombo Radyo Iloilo, ginpahayag ni Iloilo City Comelec Election Assistant II Jonathan Sayno nga magahulat lang sila sang mando gikan sa Comelec central office.
Apang padayon ang ila preparasyon ilabi na sa registration sang mga botante.
Sa bahin sang Liga ng mga Barangay sa Iloilo City, indi ang mga ini pabor nga i-postpone ang eleksyon.
Ginpahayag sa Bombo Radyo ni Association of Barangay Captains (ABC) President Reylan Hervias nga mas maayo kun madayon ang eleksyon.