Nasunog ang likod nga bahin sang balay sang Pamilya Guzman sa Punong Lapuz, Iloilo City pasado alas sais sang gab-i kahapon, Mayo 4.
Sa interview sang Bombo Radyo kay Cezar Guzman, tag-iya sang balay, iya ginpahayag nga naga-pang welding ini kahapon, apang sang natapos na ini gilayon ini nga naglakat.
Suno pa kay Guzman wala sang may nabilin nga kun ano nga bagay pagkatapos sini welding agud mangin tunaan sang sunog.
Samtang, gilayon naman nga narespondehan sang Bureau of Fire Protection-Iloilo City ang nagluntad nga sunog, rason nga gilayon napalong ang kalayo.
Sa interview sang Bombo Radyo kay PB Arnel Asturias, Punong Barangay sang Punong Lapuz, Iloilo City, ginpahayag sini nga tuman ka sa sulodlon ang balay nga ginluntaran sang sunog.
Suno pa kay Asturias nga dugang pa ka delikado ang pag-pangwelding ni Guzamn sa ila nga balay bangud nga madali nga magluntad ang sunog sa lugar.
Ginpahayag man sini nga maayo na lamang nga nahinggagaw ang sunog antes pa ini maglapta sa mga tupad sini nga mga kabalayan.
Nagpasalamat naman si Asturias sa Bureau of Fire Protection sa ila gilayon nga pagresponde nga nagresulta sa gilayon nga pagpalong sang kalayo.
