Ginlamon sang kalayo ang lima ka mga balay sa Brgy. Tabuc Suba, Jaro, Iloilo City.
Ginapanag-iyahan naman ini nanday Catherine Rapista, Merlyn Susvilla, Florita Quinoveva, Macario Sapare, kag Aurora Ong.
Sa interview sang Bombo Radyo kay Fire Officer 2 Earl Anthony Darroca, Fire Arson Investigator sang Bureau of Fire Protection (BFP), iya ginpahayag nga ang apat ka mga balay ang human sa light materials samtang, ang isa ang human sa concrete.
Suno kay Darroca, may kabug-usan nga anom ka mga pamilya ang naapektohan, kon sa diin, ang lunsay lima ka mga balay ang totally damaged.
Ginpahayag man sini nga naghalin sa balay ni Florita Quinoveva ang kalayo antes nga naglapta sa kaiping sini nga mga puluy-an.
Naglab-ot naman sa P660,000 ang balor sang kahalitan nga natuga sang sunog, samtang isa naman ang narekord nga nasamaran.
