May lima ka dugang nga Black Hawk helicopters nga nag-abot sa Pilipinas subong nga semana kag magadugang sa assets sang militar.
Suno kay Philippine Air Force (PAF) spokesperson Colonel Ma. Consuelo Castillo, ini na ang ikaduha nga batch sang 32 ka Black Hawk helicopters nga mabaton sang pungsod sa idalom sang Horizon 2 sang modernization program.
Sa 32, 10 na subong ang yara sa Pilipinas.
Ang lima nga bag-o lamang nag-abot ang nagapaidalom sa technical inspection kag acceptance activities.
Matandaan nga gin-anunsyo ni Defense Secretary Gilberto Teodoro Jr. nga aprubado na ni President Ferdinand “Bongbong” Marcos Jr. ang mga revision para sa Horizon 3 sang AFP Modernization Program.
“Next, we are embarking into a what we call the ‘Rehorizoned 3’ capability enhancement and modernization program where the President recently approved an array of capabilities,” suno sa tiglikom. Magalakip ini sang domain awareness, connectivity, intelligence capabilities sang C4ISTAR communication, command and control, kag deterrence capabilities sa maritime kag aerial domains.
Una naman nga ginpahayag ni Philippine Navy spokesperson for West Philippine Sea Rear Admiral Roy Vincent Trinidad nga may $35 billion ukon masobra sa P2 trillion nga ginpain para sa Horizon 3.#
(2021 photo of PAF)
