𝗜𝗟𝗢𝗜𝗟𝗢 𝗖𝗜𝗧𝗬 —Dakop ang lima ka mga kalalakihan kag isa ka menor-de-edad sa ginpatigayon nga anti-illegal drug buy-bust operation sang City Drug Enforcement Unit (CDEU) sa Old Chapel, Brgy. Bakhaw, Manduraio, Iloilo City.
Ang mga subject amo sanday: Alyas Toto,35, sang Brgy. Cuartero Jaro; Alyas Jr, 31, sang Brgy. Bakhaw Mandurriao; Alyas Dar,43, sang Brgy. Jalandoni Wilson, City Proper; Alyas Ton,52, sang Brgy. San Juan Molo: Alyas Joncel,22, sang Brgy. Bakhaw Mandurriao; kag, Alyas Ontoy ,14, sang Brgy. Desamparados Jaro, Iloilo City.
Sa interview sang Bombo Radyo kay Police Lieutenant Gallego, Team Leader sang City Drug Enforcement Unit , iya ginpahayag nga sa mga subject ang ginabanta 60 grams nga kabug-aton sang ginapasuni shabu nga may standard drug price nga P340,000.
Suno kay Gallego, masobra duha ka semana sang ginpatuman ang strikto nga surveillance sa mga subject antes sila natigayon nga nadakpan.
Ginpahayag man sini nga santo sa ila data, wala pa sang mga daan nga records kaangot iligal nga buluhaton ang mga nagkaladakpan.
Ginakabig naman sang talatapan ang lugar bilang masami nga ginaru-ru-an sang mga durugista rason nga may nagkadalahig nga mga menor-de-edad.
Sa subong, nagapangatubang ang lima ka mga subject sang kaso nga paglapas sa Republic Act 9165 ukon Comprehensive Dangerous Drugs Act of 2002.
