KOREA – Lima ka opisyal sang Daegu City local government unit sa South Korea ang nagpositibo sa COVID-19 kag nagdugang sa halos 1,000 na nga kaso sang nasambit nga virus sa syudad.
Bangud diri, ginpasarado na sang city government ang tanan nga establisyemento sa syudad.
Ginpanugyanan naman ang mga staff nga padayunon ang ila mga trabaho sa ila tagsa ka mga panimalay.
Suno sa local health authorities, ginpasarado anay ang headquarters sang city government construction agud ipaidalom sa disinfection bangud may yara sang mga opisyal nga nag positibo sa nasambit nga balatian.
Mangin ang opisina sang Palgongsan Natural Park management office kag headquarters sang urban railroad construction ang naka shutdown na.
Nagpositibo man ang tatlo ka staff member sang deputy mayor’s office.
