Iloilo City – May patigayunon nga lima ka oras nga scheduled power interruption sa Dominggo, Marso 12 sa mga pili nga lugar sa Iloilo City.
Sa interview sang Bombo Radyo kay Joy Fantilaga, spokesperson sang More Electric and Power Corporation, iya ginpahayag nga ang power interruption ang bangud sa ila modernization program.
Humalin las 7:00 sa aga tubtob las 12:00 sa udto, apektado ang bilog nga Molo Feeder 5 kag porsyon sang Molo Feeders 2 & 3 nga amo ang mga masunod:
*North Fundidor
*South Fundidor
*Compania
*Habog-Habog Salvacion
*Boulevard
*San Juan
*Calumpang
*Calaparan
Portion sang Barangays:
*Tap-oc
*North San Jose
*North Avancena
*San Antonio
*Katilingban
*Kasing-Kasing
*East Baluarte
*South Baluarte
Lauman man suno kay Fantilaga ang 30 minutos nga scheduled power interruption sa Marso 12 humalin las 7:00 sa aga – las 7:15 sa aga kag las 11:45 sa aga tubtob las 12:00 sa udto.
Apektado diri ang bilog nga Molo Feeders, 2 & 4, kag porsyon sang Molo Feeders 3 & 1, kag porsyon sang Iloilo City Proper Feeder 4.
Ginpahayag dugang sang natungdan nga sa Martes, Marso 14, may yara naman sang scheduled power interruption nga magalawig sang 30 minutos.
Ini ang maga-umpisa sa las 6:00 sa aga tubtob las 6:30 sa aga sa diin apektado ang bilog nga Molo Substation.
