Patay ang lima ka mga sibilyan matapos ang pagsigabong nga natabo sa guwa sang isa ka moske sa Kabul, kapital nga syudad sang Afghanistan.
Apat ka iban pa ang napilasan sa amo nga paglupok nga ginapahayag nag-target gid sa memorial service nga para sa iloy ni Taliban spokesman Zabihullah Mujahid.
Wala pa sang nag-ako kun sin-o ang may kahimuan sa pagpalupok.
Ini nga explosion ang una nga natabo nga pagpang-atake sa Kabul halin sang katapusan nga bahin sang Agusto sang gin-target sang Islamic State in Khorasan Province ISKP (ISIS-K) suicide bomber ang American evacuation efforts sa guwa sang international airport.
Matandaan nga ang explosion sang amo nga adlaw ang nagpatay sang 169 ka Afghans kag 13 ka US service members.
