ILOILO CITY – Lima ka mga tawo ang napatay matapos nga naguba ang elevator sa isa ka construction site sa ginatukod nga 14 ka panalgan nga apartment building sa Sundbyberg sa Stockholm, Sweden.
Suno sa prosecution service sang Sweden, magapatigayon sila sang imbestigasyon sa posible violations sa amo nga construction site nga nagresulta sa pagkadagdag sang elevator 20 meters padulong sa ground.
Ang lima ka mga tawo sa elevator nga ang nationalities kag identities ang wala pa nakumpirma, ang una nga gintumod nga yara sa seryoso nga kondisyon apang ginkumpirma sang ulihi nga napatay ang mga ini.
Ang rason sang insidente ang wala pa nahibaluan sa subong.
Suno naman sa spokesperson sang construction workers’ union, ang mga biktima ang gin-subcontract agud nga magtrabaho sa site.
