Temporaryo nga ginadumilian sa pag-agi ang mga salakyan nga may kabug-aton nga lima ka tonelada ukon masobra pa sa Monfort-Vigilar Jalaur Bridge sa Barangay Nabitasan, Leganes, Iloilo, samtang ginakaayo ang taytay.
Ang nasambit nga taytay nahamtang sa Leganes–Dumangas Coastal Road.
Pinaagi sa public advisory ni Iloilo 4th District Board Member Rolando Distura, ginapanugyanan ang mga driver sang truck kag operator sang mga heavy vehicle nga maggamit sang alternatibo nga ruta agud malikawan ang posible nga aksidente.
Ginhingyo man ang tanan nga motorista nga magplano sang ila mga biyahe kag magsunod sa mga pahibalo nahanungof sa trapiko samtang nagapadayon ang repair works sa taytay.
Text by: Bombo Lynd-C Bade
