ILOILO CITY – Gin-anunsiyo sang Philippine Health Insurance Corp. (PhilHealth) nga pasakaan sini ang limit sa dialysis coverage humalin sa 90 tubtob sa 144 sessions nga mahimo nga ma-avail tubtob sa katapusan sang tuig.
Sa ginpagwa nga advisory, ang increase sa hemodialysis coverage sessions ang gin-aprubahan sang board of directors.
Ini ang magamit sang hemodialysis patients tubtob sa December 31, 2022.
Gilayon nga magapagwa sang nagaka-igo nga guidelines ang PhilHealth pinaagi sa isa ka circular.
Sa subong, ginamanduan ang tanan nga regional offices kag concerned healthcare facilities nga padayunon lang ang pagbaton sang pag-avail sang mga pasyente nga nagalapaw sa 90-session limit.
Ang ini nga mga tikang ang ginhimo sang PhilHealth sang 2020 kag 2021.
