Ginpasugtan sang Department of Energy (DOE) ang temporaryo nga paggamit sang lower-grade petroleum products.
Ini agud masigurado anay ang fuel supply subong sa pungsod samtang nga magamo pa ang sitwasyon sa Middle East kag nagapanglakaak ang presyo sang produktong petrolyo sa global market.
Ginpaguwa sang ahensya ang Department Circular No. DC2026-03-0010 nga amo ang nagatugot sang interim and controlled introduction sang Euro II fuels para sa pili lang nga transport and industrial uses.
Suno kay Energy Secretary Sharon Garin, temporaryo lamang ini nga tikang sang gobyerno.
Subject ini gihapon sa istrikto nga quality control, klaro nga notification requirements, kag husto nga consumer protection measures.
“We are adopting a prudent and temporary measure to help ensure an adequate and accessible fuel supply for sectors that may require limited flexibility during this period,” suno sa press release sang ahensya.
“This interim authority is subject to strict quality controls, clear notification requirements, and appropriate consumer protection measures,” dugang sang tiglikom.
Ang paggamit sang Euro II fuels limitahan lamang sa in-use vehicle models halin sa 2015 ukon mas temprano pa, traditional jeepneys, industrial applications kaangay sang power plants kag generators, kag marine and shipping operations.
Agud wala sang misuse, gina-require sa mga kumpaniya sang langis nga istrikto nga iseparar ang Euro II kag Euro IV fuels sa tanan nga storage, transport, kag retail systems.
Dapat man ipahibalo sa ahensya kun ano nga gas stations ang magabaligya sang lower-grade fuel.
“It warned that fuel adulteration, non-compliance with prescribed quality specifications, and other violations will be subject to penalties under existing laws, rules, and regulations,” dugang pa sa statement sang ahensya.#
 ang temporaryo nga paggamit sang lower-grade petroleum products.){kind=link}