ILOILO – Igalunsar sang Iloilo Provincial Government ang Limpyo Dalanon sa una nga semana sang Disyembre subong nga tuig.
Ini agud mapabaskog pa ang suporta kag compliance sa road clearing operations nga ginmandu sang Department of the Interior and Local Government (DILG).
Sa interview sang Bombo Radyo kay Iloilo Governor Arthur Defensor Jr., iya ginpahayag nga padayon man subong ang pagsunod sang tagsa ka local government unit sang pagpanghawan sang dalanon apisar may deadline man ukon wala nga gin-isyu ang national government.
Ang road clearing operations nga ginmandu ni Interior Secretary Eduardo Año paagi sa Memorandum 2020-145 ang magaumpisa sa Lunes, Nobyembre 16.Full implementation ini sa mga lugar nga naka-modified general community quarantine (MGCQ) kaangay sang probinsya sang Iloilo.
