ILOILO – Maga-umpisa na subong nga hapon ang Limpyo Iloilo ukon ang province-wide clean-up sa pagpanguna sang Iloilo Provincial Government.
Sa interview sang Bombo Radyo kay Atty. Arturo Cangrejo, pinuno sang Provincial Environment and Natural Resources Office, iya ginpahayag nga ang Limpyo Iloilo ang maga-umpisa 4:00 sang hapon.
Suno kay Cangrejo, antes pa man mag-umpisa ang province-wide clean-up, may yara anay sang briefing nga patigayunon.
Ginpahayag ni Cangrejo nga kun tani, maanad na ang tanan sa 4 o’clock habit agud nga mapahilayo sa ano man nga balati-an tuga sang mahigko nga palibot.
Nahibaluan ang nasambit nga convergence clean-up ang pakigbahinan sang Department of Education, Department of Environment and Natural Resources, Department of Interior and Local Government, Department of Public Works and Highways, mga non-government organizations, people’s organizations kag Local Government Unit.
