ILOILO CITY- Maga-kick off na bwas nga adlaw, Hunyo 17 ang cleanup kag clearing operation batok sa dengue kag baha sang Iloilo Provincial Government.
Ang Limpyo sa Hunyo 22: Panglimpyo Para sa Dengue kag Baha” nga ginapatuman paagi sa Executive Order No. 271 isa ka convergence program nga nagatuyo nga matapna ang pagduging sang dengue paagi sa pagpatigayon sang mas ginpabaskog nga implementasyon sang 5S Strategy batok sa dengue nga amo ang (1)search and destroy of mosquito breeding sites,(2) securing self-protection,(3) seeking early consultation, (4)supporting fogging/spraying only in hotspot areas, (5)kag observance of safety and health protocols.
Sa interview sang Bombo Radyo kay Iloilo Governor Arthur Defensor Jr., iya ginpahayag nga katuyuan man sang programa ang mitigasyon sang pagbaha paagi sa paglimpyo sa waterways kaangay sang suba, canals, esteros, creeks, kag ponds.
Suno kay Defensor, ini ang pagtuman sa Department of the Interior and Local Government Memorandum Circular 2020-145 angot sa road clearing operations.
Pahayag sang gobernador, ini ang indi lang one-time activity bangud mapadayon ini bilang pamaagi sa pagpabaskog pa sang mga tikang batok sa ginaantisipar nga pagtaas sang kaso sang dengue kadungan sang tig-ululan.
Ang Limpyo sa Hunyo 2022 isa ka component sang Limpyo Iloilo, nga naga-involve sang mga ahensya sang gobyerno kag nagkalain-lain nga mga sektor kag organisasyon.
