Padayunon ni Pharmally Pharmaceuticals Corporation director Linconn Ong ang iya detention sa Senado pagkatapos sang kapin duha ka semana nga pagka-house arrest matapos na-infect sang COVID-19.
‘las tres kahapon sang hapon sang nag-abot si Ong sa Senate Office of the Sergeant-at-Arms (OSAA) matapos nga gin-aresto mismo sang OSAA security officers sa iya balay.
Matandaan nga ginpatigayon ang pag-aresto samtang naga-attend virtually si Ong sang hearing sa Senate Blue Ribbon committee nga ginapamunuan ni Senator Richard J, Gordon.
Septyembre 10 pa sang nagmandu ang Senate Blue Ribbon Committee nga arestuhon si Ong bangud sa iya pagpalagyo kag pagbinutig sa mga pamangkot sang Senado sa hearing sang ginapahayag anomalous purchase sang gobyerno sang medical supplies kun sa diin contractor ang Pharmally.
Una nga nagsugot si Gordon nga i-house arrest lang anay si Ong bangud nagsuprer ini sa COVID-19.
