GUIMBAL, ILOILO – Dead on arrival sa hospital ang lineman sang Electric Cooperative, Inc. (ILECO I) matapos maaksidente samtang nagamaneho sang motorsiklo sa Brgy. Rizal-Tuguisan, Guimbal, Iloilo.
Ang biktima amo si Julius Hachero, 33, sang Gerona-Gimeno Street, Guimbal, Iloilo kag naka-angkon sang pilas sa ulo kag tuo nga paa.
Sa interview sang Bombo Radyo kay Police Corporal Deogracias Nobleza, imbestigator sang Guimbal Municipal Police Station, iya ginpahayag nga mahimo nga natuyo kag napiyungan ang biktima samtang nagamaneho sang motorsiklo.
Ginpahayag ni Nobleza nga wala sang sukuk nga helmet si Hachero sang nakasaga-id sa gutter kag natumba.
Ginapahayag nga halin sa banwa sang Tigbauan, Iloilo ang biktima sang natabo ang aksidente.
