DAGUPAN – Ginpakamalaot ni Lingayen-Dagupan Archbishop Soc Villegas ang China bangud sa wala untat sini nga pagsulod sa teritoryo sang Pilipinas.
Ini ang ginpaagi ni Villegas sa pastoral letter kag ginbasa sa misa ni Msgr. Manuel Bravo, Jr., Episcopal Vicar on Catechesis and Education sang Archdiocese of Lingayen-Dagupan.
Magluwas sa pagsulod sa teritoryo, ginkasubo man ni Villegas ang mga report nga may mga Pinoy nga ginapahayag nagapakighimbon sa Chinese authorities sa pag-angkon sini sang pila ka bahin sang West Philippine Sea.
Apisar wala direkta nga ginpangalanan, madamo naman ang nagapati nga ang ginatumod ni Villegas amo si suspended Bamban, Tarlac Mayor Alice Guo.
Si Guo ang sa subong ginaimbestigaran sang gobyerno bangud sa ginapahayag paggamit sang mga peke nga dokumento agud mahatagan sang Filipino citizenship.
