ILOILO CITY- Importante ang pagsaulog sang Buwan ng wika sini nga bulan sang Agosto nga may tema “Wika ng Kasaysayan, Kasaysayan ng Wika” Ang mga Katutubong Wika sa Maka-Filipinong Bayanihan Kontra Pandemya, agud mahangpan sang mga pumuluyo ang mga impormasyon.
Sa interview sang Bombo Radyo kay University of the Philippines Professor Jose Julie Ramirez nga nagaserbe man bilang Overall Coordinator sang Sentro ng Wikang Filipino, iya ginpahayag nga nagakadapat gamitun ang Filipino bangud ini ang linggwahe nga ginpili sang Konstitusyon bilang National Language.
Suno kay Ramirez, ang wikang Filipino kag ang iban pa nga linggwahe sa pungsod ang pamaagi agud maintindihan sang tagsa ka pumuluyo ang tinutuyo kag mga lihok nga ginapatuman para sa kaayuhan sang tanan.
Kun ginagamit sa husto ang linggwahe suno kay Ramirez, mahatag sang insakto sa mga pumuluyo ang husto nga impormasyon agud madula man ang stigma sang kahadlok ukon kakulba sa partikular nga butang.
Nahibaluan nga subong nga tion sang pandemya,kinahanglan nga maintindihan sang insakto sang tagsa ka Pilipino ang data nga ginapagwa sang Department of Health kag sang gobyerno.
