Gina-imbestigahan subong ang indi magnubo sa 2,120 ka mga police officers lakip na ang mga opisyal nga ginaalegar may kaangtanan sa iligal nga droga kag iban pa nga iligal nga aktibidad.
Suno kay Lt. Col Renante Lambojo, Philippine National Police Integrity Monitoring and Enforcement Group (PNP-IMEG) chief of staff, nakabaton sila sang impormasyon nga ang isa ka police colonel ang naga baton sang benepisyo nagikan sa illegal drug trade.
Apang wala na ginbuyagyag pa ni Lambojo ang pangalan sang police colonel.
Lakip sa imbestigasyon kag surveillance amo ang 504 ka mga police officials samtang 1,616 naman ang non-commissioned officers.
Nagalab-ot sa 736 ukon 36 percent ang gin-akusar sa kaso nga robbery ukon extortion samtang ang iban naman ang under investigation bangud sa illegal drugs, illegal gambling, kidnapping kag iban pa.
Nahibaluan nga ang IMEG ang mas kilala sadto bilang Counter-Intelligence Task Force.
