Linibo ka protesters ang nagtinir malapit sa United States Capitol antes ang speech ni Israeli Prime Minister Benjamin Netanyahu sa atubang sang mga miyembro sang Kongreso.
Ini nga protesters ang lunsay nagapamatok sa binulan na nga pagpang-atake sang Israel sa Gaza bilang balos man sa pag-atake anay sang Hamas militants sa southern Israel sang nagligad nga Oktubre 2023.
Dala sang mga naga-protesta ang nagkalain-lain nga banners lakip na ang isa nga may nakasulat nga “Wanted War Criminal” bilang reference sa arrest warrant nga ginduso anay sang prosecutors sang International Criminal Court.
Mangin ang Oscar-winning actor nga si Susan Sarandon ang yara man sa protesta kag nagpatunga pa agud nga ikondena ang nagapanglakaak nga numero sang patay sa Gaza bangud sa giyera.
May yara man sang demonstrators nga nagdala sang halos 30 ka human-size nga mga lungon nga human sa carboard kag nakaputos pa sa flag sang Palestine bilang pagdumdum sa mga nagkalamatay sa Gaza.
Nahibaluan nga antes ang speech ni Netanyahu, madamo na nga Democratic lawmakers ang nagsiling nga indi sila magtambong bangud dismayado man sa death toll kag sa humanitarian crisis dala sang pagpang-atake sang Israel.
Antes sini, matandaan nga sang naglinigad nga binulan, kadungan sang graduation season, nangin lapnagon man ang mga protesta sa mga unibersidad sa Estados Unidos sang Amerika bilang matunog nga pagpamatok sang opensiba sang Israel nga nagpatay na sang halos 40,000 ka Palestinians kag 2.3-million naman ang nadulaan sang mga puluy-an.
