ILOILO CITY – Liwat nga ginpatuman ang Liquor Ban sa syudad sang Iloilo sugod kahapon nga adlaw, Mayo 26.
Ini matapos nga ginpirmahan ni Iloilo City Mayor Jerry Treñas ang Executive Order 082 nga nagadumili sa pagbaligya kag pagbakal sang makahululubog nga ilimnon sa syudad sang Iloilo.
Sa interview sang Bombo Radyo kay Treñas, iya ginpahayag nga ini ang iya nangin desisyon matapos ang sunod-sunod nga kaso sang hinubog kag nag utas sa kabuhi sang pila ka mga pumuluyo sa diin isa diri ang isa ka frontliner nga nabungguan-patay sang ginapahayag hubog nga Indian national syudad.
Suno kay Treñas, ginbasehan man niya ang mga natipon nga records sang insidente sang City Disaster Risk Reduction and Management Office kag Public Safety Transportation and Management sa diin naggwa nga humalin sang ginlift ang liquor ban sang Mayo 22 tubtob 25 may yara sang na record nga 17 ka kaso sa diin makahululubog nga ilimnon ang kabangdanan.
Dugang sang natungdan, mahimo nga magapangatubang sang nagakaigo nga penalidad ang madakpan nga wala nagasunod sa nasambit nga mandu.
Sa subong suno sa alkalde, pagatutukan sang Iloilo City Government ang pag-atubang sa problema sa Coronavirus Disease 2019 kag pag akomodar sa mga nagpauli nga repatriated Overseas Filipino Workers.
