Magatapak sa isa ka iconic stage sa Hollywood ang global icon nga si Lalisa Manobal ukon mas kilala bilang si Lisa sang BLACKPINK.
Isa si Lisa sa ginpili nga mag-present sang mga magadaog sa 83rd Annual Golden Globe Award.
Siya ang una nga K-pop member nga mangin presenter sang amo nga prestihiyoso nga award-giving body.
Sa ginpagwa nga listahan sang organizer, kaupod niya bilang presenters sanday Snoop Dogg, Miley Cyrus, kag Orlando Bloom. Magabalik naman bilang host ang komedyante nga si Nikki Glaser.
Patigayunon ang awarding ceremony sa Enero 12 sa Los Angeles, California, USA.
Ang Golden Globe Awards amo ang prestihiyoso nga American accolades nga nagakilala sang excellence sa film and television — domestic kag foreign. Ang naga-presentar sang award amo ang Hollywood Foreign Press Association (HFPA).
