ILOILO CITY- Dungog kag kakulba ang nabatyagan sang pamilya sang isa ka Ilonggo nurse sa United Arab Emirates matapos nga nagvolunteer ini agud mangin subject sa clinical trial para sa COVID-19 vaccine.

Sa interview sang Bombo Radyo kay Blessie Luzarita, utod sang nurse nga si Ramon Francisco Sonico sang Sta. Barbara, Iloilo, iya ginpahayag nga nakibot na lang sila sang ginpahibalo sa ila ni Sonico nga nakapa-inject na ini sang first shot sang nasambit nga bakuna.

Suno kay Luzarita, apisar nabalaka, wala na nila ginkakibot ang ginhimo sang iya manghud bangud humalin sadto, duna na sa iya manghud ang mangin volunteer sa mapuslanon nga mga kawsa.

Gintuad ni Luzarita nga sa subong, nagahulat pa ang iya manghud sang 21 ka adlaw kag iga-inject sa iya kag sa iban nga mga human subjects sang trial ang ikaduha nga shot sang bakuna.

Si Sonico ang Nursing graduate sang Central Philippine University kag tatlo ka tuig na nga nurse sa isa ka ospital sa UAE.