Nag-ayo ang League of Municipalities of the Philippines ukon LMP-Iloilo Chapter sa Department of Health (DOH) nga ipadayon ang pag-supply sang COVID-19 vaccines sa probinsya sang Iloilo.
Sa interview sang Bombo Radyo kay San Enrique Mayor Trixie Fernandez, Presidente sang LMP-Iloilo Chapter, iya ginpahayag nga nagabira-bira man kampanya ang mga kabanwahanan sa probinsya nga magpabakuna kontra COVID-19.
Apang mabudlay man suno sa iya kun padayon ang kampanya sang banwa kag wala man sang bastante nga bakuna.
Pahayag sang alkalde, naghingyo sila sa DOH nga i-stabilize ang regularidad sang pag-abot sang bakuna agud nga ma fast track ang pagbakuna sa mga pumuluyo.
Ginsabat man sang DOH ang panawagan sang LMP-Iloilo kag tinguhaan sang ahensya nga mahatagan sang dugang nga COVID-19 vaccines ang probinsya.
