Iloilo – Gin-athag ni League of Municipalities-Iloilo President Trixie Fernandez nga wala sang “culture of violence” sa probinsya sang Iloilo.
Ini ang kasunod sang ginpatigayon nga threat assessment sa mga local officials matapos ang natabo nga assassination kay Negros Oriental Governor Roel Degamo.
Sa interview sang Bombo Radyo kay Fernandez, iya ginpahayag nga mahimo ipalab-ot sa mga kapulisan ang reklamo sa tion nga may mabaton nga pamahog sa kabuhi.
Nahibaluan nga nakabaton sang threat sanday Iloilo 4th District Rep. Ferjenel “Ferj” Biron kag mga anak sini nga sanday Dumangas Mayor Braeden John “BJ” Biron kag Barotac Nuevo Mayor Bryant Paul “BP” Biron.
Magluwas diri, nakabaton man sang pagpamahog sa kabuhi si Dueñas Mayor Robert Martin Pama kag ang kaalyado sang pamilya Biron nga si Dumangas, Iloilo Vice Mayor Ronaldo “Onal” Golez.
Suno kay Fernandez, “case to case basis” ang magpa-request sang security sa mga kapulisan.
Kaangot diri, suno sa natungdan, nagapasalamat ini sa Police Regional Office 6 bangud sa sang peacekeeping kag peacemaking sa probinsya sang Iloilo.
