ILOILO – Gilayon nga ipatuman sang Iloilo Provincial Government ang programa nga pagbakal sang mga palay sang mangunguma nga naapektuhan sang Rice Tariffication Law.
Sa interview sang Bombo Radyo kay Iloilo Governor Arthur Defensor Jr., iya ginpahayag nga ginahibalo pa kun ano ang mga accredited nga kooperatiba sang mga mangunguma sa probinsya agud hatagan sang loan kag kun pila ang mahimo nga ihatag sa ila agud magpamakal sang palay sang mga mangunguma.
Suno kay Defensor, mas maayo nga mahibaluan kun ano ang mga accredited nga kooperatiba bangud nga ang igahatag nga loan ang kwarta mismo sang gobyerno.
Sa subong suno natungdan, may yara na sang ginabanta lima ka kooperatiba nga na identify sa diin ginahibalo na ang ila credit standing para sa pagpatuman sang programa kag posible nga mahatag na sa masunod nga semana ang loan.
