Maga-umpisa na bwas, Abril 27 ang local absentee voting.
Suno sa Commission on Elections (COMELEC), 84,357 ka mga botante ang ginpasugtan nga mag-avail sang local absentee voting nga magalawig tubtub sa Abril 29.
Ang application naman sang 9,341 ka mga indibidwal ang gin-disapprove bangud indi ang mga ini rehistrado ukon nag-deactivate.
Ginpahayag sang COMELEC nga kabug-usan nga 93.6 million ka mga military, police, government kag media personnel ang nag-apply sa local absentee voting.
Gin-athag naman ni COMELEC Commissioner George Garcia, nga ang pagboto sang mga ini ang pangunahan sang head sang ila tagsa ka mga opisina.
Ang mga local absentee voters ang magaboto manually para sa national positions: kaangay sang president, vice president, senators kag party-list.
Matapos magboto, kinahanglan sang ihatag sang botante ang balota sa ila office head.
Kolektahon naman sang office head ang tanan nga envelopes nga naga-unod sang accomplished ballots kag i-transmit ini sa COMELEC Election Contests Adjudication Department.
Ang mga media personnel naman nga maga-avail sang local absentee voting ang kinahanglan nga magboto sa Regional Election Director.
Isipon naman ang nasambit nga mga boto sa Mayo 9.
Lakip naman sa mga maga-avail sang local absentee voting amo sanday COMELEC Chairperson Saidamen Pangarungan kag Commissioner Aimee Neri.
Ang mga ini nga magaboto sa main office sang COMELEC sa Intramuros, Manila.
