ILOILO CITY – Wala sang kinamatarong ang Local Chief Executive nga i-suspend ukon i-repeal ang isa ka existing provincial ukon municipal ordinance.
Ini ang gin-athag ni Iloilo Gov. Arthur Defensor Jr. may kaangtanan sa ginahingyo sang Sangguniang Panlalawigan nga i-suspend ang Iloilo Provincial Ordinance 2007-068 ukon An Ordinance Protecting and Promoting Animal Welfare may kaangtanan sa kontrobersyal nga Pasungay Festival sang Sang Joaquin, Iloilo.
Sa interview sang Bombo Radyo kay Defensor, iya ginpahayag nga ang pag-suspend ukon pag-repeal sang ordinansa ukon layi ang nalakip sa legislative function.
Suno kay Defensor, wala sa poder sang Local Chief Executive ang pagpauntat sa pagpatuman sang ordinansa ukon layi kun sa diin may ginpirmahan na siya nga legal opinion tuhoy sa iya sabat.
Ginpahayag ni Defensor nga ang Local Government Unit ang may autonomy power sa nasakupan nga banwa samtang ang Provincial Government ang may yara lamang sang supervisory power.
