ILOILO CITY– Nadugangan na naman ang local Covid 19 Cases sa Syudad sang Passi.
Sa exclusive interview sang Bombo Radyo kay Passi City Mayor Stephen Palmares, iya ginpahayag nga apat ka panibag-o nga local case ang nagdugang subong nga adlaw.
Suno kay Palmares, ang duha ang konektado sa local case nga medical worker, isa ang konektado sa Business Process Outsourcing Company nga Iqor kag ang isa ang konektado sa Iloilo Fishport Complex bangud ang bayaw sini ang nagatrabaho sa lugar.
Nakaquarantine na suno sa alkalde ang mga nagpositibo kag ini sila ang lunsay mga asymptomatic.
Samtang padayun nga nakalockdown ang isa ka block sa Brgy. Poblacion Ilaya, nakalockdown man porsyon sang Poblacion Ilawod, Dalicanan, kag Gines Viejo.
Nahibaluan nga sa subong may yara na sang 28 ka kaso sang Coronavirus Disease 2019 ang syudad sang Passi sa diin
14 ang Local Cases kag 15 ang kaso gikan sa mga Locally Stranded Individuals kag Returning Overseas Filipino Workers.
