ILOILO CITY-Positibo ang Local Economic Enterprise Office (LEEO) nga masolusyunan ang problema sa slaughterhouse kag merkado sa palibot sang syudad sang Iloilo.
Sa interview sang Bombo Radyo Iloilo kay LEEO Chief Mr. Ariel Castañeda, iya ginpahayag nga may yara na siya sang proposal agud mas mapasanyog ang serbisyo sa merkado sa syudad.
Kalabanan suno kay Castañeda nga may madamo nga reklamo amo ang Iloilo Terminal Market (Super) kag Iloilo Central Market sa diin ginareklamo ang drainage system kag ang atop sang merkado nga nagatinulo tagsa nga mag-ulan.
Magluwas sa merkado kulang man sang close circuit television (CCTV) cameras ang slaughterhouse sang syudad, equipments, drainage kag iban pa.
Ginalauman man sang natungdan nga ang tanan nga problema sa merkado kag slaughterhouse ang mahatagan na sang solusyon sa administrayo ni Iloilo City Mayor Jerry Treñas.
