ILOILO CITY- Ginaduso sang mga local pharmaceutical manufacturers nga magpataas sang ila share sa mga bulong nga gina-procure sang gobyerno sa 50 percent sa masunod nga anom tubtob 10 ka tuig gikan sa mas manubo sa five percent sa subong.
Suno kay Philippine Pharmaceutical Manufacturers Association (PPMA) president Higinio Porte Jr., ang total pharmaceutical market ang yara sa kapin P270 billion sang nagligad nga tuig kag ang five percent diri ang nagakadto sa ila.
Pahayag niya nga ginalantaw nila ang oportunidad sa pagpataas sang ila share sa government procurement sa tunga sang plano sang Department of Health (DOH) nga magpatuman sang outpatient drug benefit nga naangot sa implementasyon sang Universal Healthcare Program sa masunod nga tuig.
Suno sa iya nga sa subong,ang government procurement nagasakop lamang sa in-patient medicines.
Pahayag pa ni Porte nga kalabanan sa mga bulong nga gina-procure sang gobyerno ang imported bangud ini ang mas barato.
Pila sa mga inisyatibo nga ginaduso sang ila grupo amo ang implementasyon sang Pharmaceutical Inspection Cooperation Scheme nga nagatuyo nga i- harmonize ang inspection procedures paagi sa pag-develop sang common standards sa maayo nga manufacturing practices sang mga bulong sa mga regulatory authorities.
Ginaduso man nila ang pooled procurement agud nga mas mangin competitive ang local manufacturers bangud sa pag-require sang mas dako nga kantidad sang bulong.
